මෙම ලිපියේ සඳහන් කර ඇති නිෂ්පාදන සහ සේවාවන්, ඔබේ කලාපය තුළ ලබා ගත නොහැකි විය හැක. ඔබට ප්‍රශ්න කිසිවක් ඇත්නම්, පාරිභෝගික සහාය සේවය හෝ ඔබේ ගිණුම් කළමනාකරු අමතන්න.
සාමාන්‍ය දළ ඇණවුම් අගය යනු කුමක් ද, එය ඔබේ ව්‍යාපාරය සඳහා වැඩි කරන්නේ කෙසේ ද
ඔබට ඔබේ ව්‍යාපාරය දියුණු කිරීමට අවශ්‍ය නම්, ඉතා නුවණාකාර විසඳුමක් වන්නේ වැඩි පාරිභෝගිකයන් සොයා ගැනීමයි. නමුත් ඔබේ පාරිභෝගික කළඹය පුළුල් කිරීම, වෙළඳාම් පරිමාණ පිළිබඳ ගැටළු මතු කළ හැකිය. පාරිභෝගිකයන් වැඩි වන නිසා වෙළඳසැල තුළ සැලකීය යුතු තදබයක් ඇති විය හැක. ධාරිතාවට වඩා අධික ව්‍යාපාරයක් සහ සේවකයන්ට එය අධික පීඩනයක් ගෙන ආ හැක.
තවත් විකල්පයක් වන්නේ එක් එක් පාරිභෝගිකයාගේ සාමාන්‍ය ඇණවුම් අගය (AOV) වැඩි කිරීමයි. මුළු විකුණුම් හෝ ඇණවුම් ගණන මෙන්, සාමාන්‍ය ඇණවුම් අගය යනු ඔබේ ව්‍යාපාරයේ වර්ධනය සහ ජනප්‍රියත්වය මැනීමකි. ඔබේ AOV වැඩි වන තරමට, සෑම පාරිභෝගිකයෙකුගෙන්ම ඔබට ලැබෙන වටිනාකමද වැඩි වේ. නමුත්, AOV යනු කුමක්ද, ඔබ එය ගණනය කරන්නේ කෙසේද, සහ වඩාත්ම වැදගත් දෙය වන්නේ ඔබේ ව්‍යාපාරය ඔස්සෙන්ම එය මැනීය හැකි වන පරිදි ඔබ එය වැඩි කරන්නේ කෙසේද? අපි මෙම මාතෘකාව සහ තවත් බොහෝ දේ මෙම ලිපියෙන් ආවරණය කරමු. තවත් දැන ගැනීමට කියවන්න:
සාමාන්‍ය ඇණවුම් අගය (AOV) යනු කුමක්ද?
සාමාන්‍ය ඇණවුම් අගය යනු පාරිභෝගිකයෙකු තනි ගනුදෙනුවක දී වැය කරන සාමාන්‍ය මුදල වේ. ඉහළ සාමාන්‍ය ඇණවුම් අගයක් මගින් හුදු පාර‍භෝගිකයා අත්පත් කර ගැනීම පමණක් අරමුණු කරනවාට වඩා සෑම ගනු දෙනුවකින් ම ආදායම වැඩි කර ගැනීමට ඔබට ඉඩ සලසමින් අලෙවියකට වැඩි ආදායමක් ලබා දෙයි. ඔබට ඩොලර් 100ක සාමාන්‍ය ඇණවුම් වටිනාකමක් ඇති ගනුදෙනුකරුවන් 100ක් සිටී නම්, ඔබේ ආදායම ඩොලර් 10,000ක් වනු ඇත. එම සාමාන්‍ය අගය දෙගුණ කළ විට, එකම පාරිභෝගික සංඛ්‍යාවෙන් ඩොලර් 20,000ක් ලබා ගැනීමට ඔබට පුළුවන.
AOV සූත්‍රය
සාමාන්‍ය ඇණවුම් අගය නිර්ණය කර ගැනීම සඳහා, ඔබේ සමස්ත ආදායම එකී ආදායමට ළඟා වීම සඳහා අවශ්‍ය මුළු ඇණවුම් ගණනෙන් බෙදන්න. සාමාන්‍යයෙන්, මේ සඳහා දින 30ක් වැනි රවුම් අගයක් සහිත ව්‍යාපාරික කාල පරිච්‍ඡ‍ේදයක සිදු වූ ගනුදෙනු නියැදියක් තෝරා ගැනීම අවශ්‍ය වේ. ප්රාය ෝගිකව සූත්‍රය දිස්වන ආකාරය පහත දැක්වේ:
සාමාන්‍ය ඇණවුම් අගය ගණනය කරන ආකාරය
සාමාන්‍ය ඇණවුම් අගය ක්‍රියාකාරිත්වය තුළ බැලීම සඳහා, අපි උදාහරණයක් බලමු. දියුණු වෙමින් පවතින ඩිජිටල් ස්ථාපනයක් සහිත සැබෑ ගොඩනැගිල්ලක ක්‍රියාත්මක වන පොත් සාප්පුවක හිමිකරුට ඇය ඒ-වාණිජ්‍ය ව්‍යාපාරය ඔස්සේ පිරිනමන දීමනා සඳහා වැඩි මුදලක් ආයෝජනය කළ යුතුද යන්න තීරණය කිරීමට අවශ්‍ය විය.
සෘජුව සිදු කරන සහ ඊ-වාණිජ්‍ය විකුණුම් ඔස්සේ ලැබෙන මුළු ආදායම දෙස බලා සසඳන විට, එකින් එක සැසඳීම නිරවද්‍ය තොරතුරු ලබා නොදෙන බව පෙනේ. සමස්ථයක් වශයෙන්, ඇය පෞද්ගලිකව කටයුතු කරන පාරිභෝගිකයන් ගණනින් 10%ක් පමණක් ඔන්ලයින් වන බව ඇයට වැටහුණේය. එනිසා ඇය සියලු විකුණුම් සඳහාම අංකනයක් පවත්වා ගෙන ඇණවුම් වටිනාකම්වල සාමාන්‍ය අගය සලකා බැලීමට තීරණය කළේය. ඇයගේ ගණනය කිරීම් පහත දැක්වේ.
ස්ථාවර විකුණුම් දින පරාසයක් තෝරන්න
හිමිකරු වසර පුරා ඇගේ මුළු පුද්ගලික සහ ඔන්ලයින් විකුණුම් දෙස බැලීමෙන් ආරම්භ කරයි. ඇයට අවශ්‍ය නම්, පසුගිය වසර සඳහා සංඛ්‍යා බැලීමට හැකි අතර, වසරින් වසර (YoY) සංසන්දනය ද ලබා ගත හැකිය.
මුළු ආදායම් සහ මුළු ඇණවුම් ගණන එක්රැස් කරන්න
අයිතිකාරියට සිය භ‍ෞතික ව‍ෙළඳසැලේ සහ ඉ-වාණිජ්‍ය ව්‍යාපාරයේ සාමාන්‍ය ඇණවුම් අගය ගණනය කිරීමට අවශ්‍ය බැවින්, ඇයට ඒ දෙක සඳහා ම මුළු ආදායම් අගයන් අවශ්‍ය වේ. තවද ඇයට සංඛ්‍යා දෙක ම සාක්‍ෂාත් කර ගැනීමට කොපමණ ඇණවුම් ප්‍රමාණයක් අවශ්‍ය වූවා ද යන්න දැන ගැනීමට ද අවශ්‍ය වේ. අයිතිකාරියට සිය පොත් සාප්පුවේ පුද්ගලිකව පැමිණ කරන ගනුදෙනුවලින් ඇණවුම් 7300කට ඩොලර් 110,000ක මුළු ආදායමක් සහ අන්තර්ජාලය ඔස්සේ සිදු කරන වෙළඳාම්වලින් ඇණවුම් 500කට ඩොලර් 10,000ක් ලැබෙන්නේ යැයි සිතමු.
මුළු ආදායම මුළු ඇණවුම් ගණනින ් බෙදන්න
ඇය ඇගේ ආදායම් මුදල මුළු ඇණවුම් ගණනින් බෙදූ විට, යම් වැදගත් දෙයක් දක්නට ලැබුණි: සැබෑ ගොඩනැගිලි මත පදනම් වූ ව්‍යාපාර සඳහා සාමාන්‍ය ඇණවුම් අගය ඩොලර් 15ක් වූ නමුත්, ඉ-වාණිජ ව්‍යාපාර සඳහා එය ඩොලර් 20ක් විය. තමා අන්තර්ජාලය ඔස්සේ ආකර්ෂණය කරගන්නා සෑම පාරිභෝගිකයකු විසින් ම සෑම මිල දී ගැනීමක් සමග ම ආසන්න වශයෙන් 33%ක වැඩි වටිනාකමක් ලබා දෙන බව දැන් ඇය දනී. පොත් සාප්පුවේ හිමිකරු සඳහා, මෙය පෙරළිකාර අවස්ථාවකි: ඉ-වාණිජ්‍ය ව්‍යාපාර යනු වඩාත් යෝග්‍ය විකල්පයක් බව ඇය දැන් දනී. ඇය ඒ අනුව තම අලෙවිකරණ සැලැස්ම සකස් කරයි.
AOV වැදගත් ඇයි
ඔබ ඔබේ ඇණවුම් අගය දන්නා විට, ඔබේ අලෙවිකරණ මුදල් ප්‍රමුඛතාකරණය කළ යුත්තේ කොයිබට ද යන්න ගැන මනා අවබෝධයක් ඔබට ලැබේ. තව ද ඔබේ ව්‍යාපාරය දියුණු කිරීම සඳහා ඔබට කොපමණ මුදලක් වැය කළ හැකි ද යන්න ද ඔබ දනී. ඔබේ සාමාන්‍ය ඇණවුම් අගය වැඩි වන තරමට, ඔබ ජනනය කරන ආදායම වැඩි වේ—ඔබට සෑම සතියක ම කොපමණ ඇණවුම් ප්‍රමාණයක් ලැබෙන්නේ ද යන්න ඔබ විසින් වෙනස් නොකළ ද මෙය මෙසේ වේ. වඩා ඉහළ සාමාන්‍ය ඇණවුම් අගයක් ලබා ගැනීමේ උපාය මාර්ග අවධාරණය පිණිස ඔබේ අලෙවිකරණ මුදල් යොදවන ආකාරය වෙනස් කිරීමෙන් වැඩ කොටසෙහි කිසිදු වෙනසක් නොකර ඔබේ ආදායම වැඩිකර ගැනීමේ හැකියාව තිබේ..
වඩාත් අංග සම්පූර්ණ චිත්‍රයක් ලබා ගැනීම සඳහා සාමාන්‍ය ඇණවුම් අගය වෙනත් මූලික පාරිභෝගික මිතිකයන් සමග එකට තබා බැලීම ප්‍රයෝජනවත් වේ. උදාහරණ වශයෙන්:
- හැරවුම් අනුපාතය: සිය වෙබ් අඩවියේ විශ්ලේෂණය සමාලෝචනය කරන ජාලස්ථ අලෙවිසැලේ අයිතිකාරිය තම ජාලස්ථ අලෙවිසැලට පැමිණෙන සෑම 50 දෙනෙකුගෙන් එක් අයකු ම තමාට 2%ක හැරවුම් අනුපාතයක් ලබා දෙමින් මිල දී ගැනීමක් සිදු කරන බව දැක ගනී. ඇගේ සාමාන්‍ය ඇණවුම් අගය භාවිතයෙන්, එක් පැමිණ‍ෙන්‍නෙකුගෙන් ඩොලර් 0.40ක් බැගින් ලැබෙන පරිදි සෑම 50 දෙනෙකු ම ඩොලර් 20ක ආදායමක් ලැබෙන බවට ඇය ඇස්තමේන්තු කරයි. එක් අමුත්තෙකුට ලැබෙන මෙම ආදායම මත පදනම්ව, ලාභයක් ලබා ගැනීම සහතික කිරීම සඳහා අලෙවිකරණය සඳහා නව අමුත්තෙකුට ඩොලර් 0.40කට වඩා වැය නොකළ යුතු බව ඇය දැන් දනී.
- හැරවුමකට පිරිවැය: අයිතිකාරිය එක් ප්රචාරණ ව්‍යාපාරයක් සඳහා සිය වෙබ් අඩවියට අමුත්තන් 100 දෙනෙකු යොමු කිරීමේ අරමුණින් අලෙවිකරණ ප්රචාරණ ව්‍යාපාරයක් පවත්වාගෙන යනු ඇතැයි සිතමු. ඇය එක් ක්ලික්-කිරීමකට-ගෙවීම් (PPC) අලෙවිකරණ ව්‍යාපාරයක් සහ ගෙවීම් කරන ලද සමාජ මාධ්‍ය ව්‍යාපාරයක් සමඟ අත්හදා බලයි. PPC ව්‍යාපාරය ඔස්සේ අමුත්තෙකුට ඩොලර් 2.50 බැගින් වැය වේ. එය අමුත්තන් 100ක් සඳහා ඩොලර් 250කි. නමුත් අමුත්තන්ගෙන් 10%ක් පමණක් ගැනුම්කරුවන් බවට හැරෙනු ඇත. ඩොලර් 20ක සාමාන්‍ය ඇණවුම් අගයකට එය ඩොලර් 200ක් පමණි. එයින්, අදහස් කරන්නේ අයිතිකරු ඩොලර් 50ක අලාභයකට මුහුණ දෙන බවයි. නමුත් ඒ හා සමාන පරිවර්තන අනුපාතයක් සහ සාමාන්‍ය ඇණවුම් අගයක් යටතේ සිදු කරන සමාජ මාධ්‍ය ප්රචාරණ ව්‍යාපාරයකින් ඩොලර් 50ක ලාභයක් හිමි කර දෙමින් එක් පැමිණ‍ෙන්නෙකු සඳහා ඩොලර් 1.50ක් පමණක් වැය වෙයි. අනාගතයේ දී අවධාරණය කළ යුතු ප්රචාරණ ව්‍යාපාර මොනවා ද යන්න දැන් ඇය දනී.
- පාරිභෝගික පූර්ණ කාලීන වටිනාකම: පාරිභෝගිකයෙකු දැන් එක් පොතක් ඩොලර් 9.99ක් දී මිලදී ගත් නමුත්, අයිතිකරුගේ සේවාව ගැන අතිශය තෘප්තිමත්භාවයට පත්ව, සති 2කට පසු ඩොලර් 100ක් වටිනා පොත් ඇණවුම් කළහොත්? මෙය පාරිභෝගික පූර්ණ කාලීන වටිනාකමට එක් වේ. පාරිභෝගික පූර්ණ කාලීන වටිනාකම සැඟවී තිබිය හැකි තැන් සොයාගැනීමට කාලයක් තිස්සේ රැස් වී ඇති පාරිභෝගික දත්ත බලන්න. පාරිභෝගික පූර්ණ කාලීන වටිනාකම සාමාන්‍ය ඇණවුම් අගයෙන් බෙදන්න. විශේෂයෙන් ඉහළ අනුපාතයක් තිබේ නම්, එයින් අදහස් වන්නේ මුලින් කේවල් කළ පාරිභෝගිකයන් (ඔවුන්ගේ පළමු මිලදී ගැනීමේ දී සාමාන්‍ය ඇණවුම් අගයෙන් මනිනු ලබන පරිදි) තමා ලැබූ අත්දැකීමට දැඩි ලෙස ඇලුම් කිරීමට පටන් ගෙන පසුව අලෙවිසැල වෙත නැවත පැමිණි බවයි.
මීට අමතරව, ප්‍රකාරය හෝ වඩාත් සුලභ ඇණවුම් අගය වැනි මිතිකයන්ගෙන් වර්ධිත විකුණුම් සඳහා ඇති අවස්ථා අනාවරණය කළ හැකි යි. පොත් සාප්පුවේ හිමිකරුගේ උදාහරණයේ දී, වැඩිපුර ම මිල දී ගනු ලැබෙනුයේ ඩොලර් 9.99ක කඩදාසි කවරයක් සහිත පොතක් නම්, සෑම කඩදාසි පිටකවර සහිත පොත් 2ක් සඳහා ම දැඩි කවරයක් සහිත පොතක් සඳහා වට්ටමක් ලබා දීමෙන් අතිරේක අලෙවිකරණ වියදමකින් තොරව සාමාන්‍ය ඇණවුම් අගය ඉහළ දැමීමේ හැකියාවක් තිබේ.
සාමාන්‍ය ඇණවුම් අගය වැඩි කිරීමට උපකාර වන උපක්‍රම 5ක්
ඔබ ඔබේ සාමාන්‍ය ඇණවුම දැන ගැනීමත් සමග ඔබේ උපාය මාර්ග ප්‍රශස්ත කිරීමට කාලය එළ‍ඹේ. ගෙවා පිටවීමට කාලය පැමිණි විට, තවත් එක් කිරීමට පාරිභෝගිකයින් දිරිමත් කිරීම ස ඳහා පහත සඳහන් උපක්‍රම සලකා බලන්න.
1. ඔවුන්ගේ පෙර ඇණවුම් අනුව පාරිභෝගිකයින් කාණ්ඩ කරන්න
පාරිභෝගිකයන්ව ඔවුන්ගේ මිල දී ගැනීමේ රටා මත පදනම්ව කාණ්ඩ කිරීමෙන් විශේෂිත ඛණ්ඩ සමග අනුනාද වන ඉලක්කගත ප්‍රවර්ධන සඳහා ඉඩ ලබා දෙයි. උදාහරණයක් ලෙස:
- නිතර මිල දී ගන්නා යන අය: අමතර මිල දී ගැනීම් දිරිගැන්වීම සඳහා වට්ටම් හෝ එකක් මිල දී ගෙන එකක් ආපසු ලබා ගැනීමේ (BOGO) දීමනාවක් පිරිනමන්න.
- වැඩිපුර වියදම් කරන්නන්: අමතර වටිනාකම මත වියදම් කිරීමට වැඩි නැඹුරුවක් දක්වන බැවින්, උසස් තත්ත්වයේ අතිරේක උපාංග හෝ කළඹ දීමනා යෝජනා කරන්න.
2. ජනප්‍රිය නිෂ්පාදන තීර්යක් විකිණීමේ සහ වර්ධිත විකිණීමේ යෙදීම
තීර්යක් විකිණීම සහ වර්ධිත විකිණීම සාමාන්‍ය ඇණවුම් අගය වර්ධනය කර ගැනීමේ සම්මත ක්‍රමයන් වේ. උදාහරණයක් ලෙස, සිල්ලර වෙළඳසැලක් මගින් ඉහළ වටිනාකමක් ඇති අයිතමයකට එක් කර ගැනීම සඳහා ඊට ගැළපෙන ආයිත්තම් යෝජනා කළ හැකි ය. ඒ හා සමානව, අන්තර්ජාල වේදිකාවලට “මෙය මිල දී ගත් පාරි‍භ‍ෝගික‍යෝ මේවාට ද කැමැත්ත දැක්වූහ:” වැනි වාක්‍ය ඛණ්ඩ භාවිත කරමින් අදාළ නිෂ්පාදන නිර්දේශ කළ හැකි ය. ගනුදෙනුකරුවන් විසින් කලින් සලකා බලා නැති අදාළ නිෂ්පාදන පෙන්වීමෙන් අගයක් එකතු කිරීමට තීර්යක් නිෂ්පාදනවලට හැකියාව තිබේ.
3. අවම කූඩ වටිනාකම් සහිත උපායමාර්ගික වට්ටම් භාවිතා කරන්න
වට්ටම් හෝ නියමිත අගයකට වඩා ඉහළ ඇණවුම් සඳහා නොමිලේ ප්‍රවාහනය කරවා දීම පිරිනැමීම ෙන් පාරිභෝගිකයන්ව අවම කූඩ අගයේ සීමාවන් සපුරාලීමට දිරිමත් කරන්න. නිදසුනක් ලෙස, ඩොලර් 50ට වැඩි මිලදී ගැනීම් සඳහා 10%ක වට්ටමක් ලබා දීමෙන් අඩු වටිනාකමකින් යුත් කූඩයක් ඇති පාරිභෝගිකයින්ව ඉතුරුම් සඳහා සුදුසුකම් ලැබීමට ඔවුන්ගේ ඇණවුමට වැඩි යමක් එක් කිරීමට දිරිගැන්විය හැකිය.
4. කළඹ දීමනා සහ ඇසුරුම් පිරිනමන්න
කළඹ දීමනා මගින් පරිපූරක නිෂ්පාදන එක් ඇසුරුමකට සංයෝග කරමින් මුළු මුදලට වට්ටමක් පිරිනමයි. උදාහරණයක් ලෙස, එක් පොතක් වෙනුවට පොත් මාලාවක සියලු ම පොත් එක්වර මිල දී ගැනීමට පාරිභෝගිකයන්ව දිරි ගන්වමින් පොත් සාප්පුවකට ජනප්‍රිය පොත් මාලාවක් සුළු වට්ටමක් සහිතව කළඹ ගැන්විය හැකි ය. කළඹ දීමනා මගින් තීරණ ගැනීම සරල කරමින් පාරිභෝගිකයකුගේ අගය පිළිබඳ හැඟීමට ආමන්ත්‍රණය කරන බැවින් එය ආදායම උපරිම කිරීම සඳහා සාර්ථක ක්‍රමයකි.
5. ලැදියා වැඩසටහනක් හඳුන්වා දෙන්න
ලැදියා වැඩසටහන් මගින් නැවත නැවතත් මිල දී ගැනීම සඳහා පාරිභෝගිකයින්ට පාරිතෝෂික ලබා දෙන අතර පාරිතෝෂක වෙත ඉක්මනින් ළඟා වීම සඳහා සිය ඇණවුම් අගය වැඩි කිරීමට ඔවුන්ව දිරි ගැන්වීමට ඉඩ ඇත. උදාහරණයක් ලෙස, පාරිභෝගිකයින් වියදම් ක රන සෑම ඩොලරයක් සඳහා ම ලකුණු උපයන්නේ නම්, ඔවුන්ට ඉක්මනින් ත්‍යාග උපයා ගැනීමට තවත් ස්වල්ප මුදලක් වැය කළ හැකි ය. මෙම උපායමාර්ගය ඔස්සේ අඛණ්ඩ සම්බන්ධතා ප්‍රවර්ධනය කිරීමෙන් සාමාන්‍ය ඇණවුම් අගය සහ පාරිභෝගිකයාගේ පූර්ණ පැවැත්මේ වටිනාකම යන දෙකම වැඩි කරයි.
Uber ඔබට ඔබේ AOV වැඩි කිරීමට සහාය විය හැකි ආකාරය
ඉල්ලුම මත බෙදාහැරීම පාරිභෝගිකයාගේ විඩාව අඩු කරයි. ඒ තුළ සාමාන්‍ය ඇණවුම් අගය වැඩි වීමේ හැකියාව ඇත. පාරිභෝගිකයෙකුට තම ප්‍රියතම අයිතම ගෙන්වා ගැනීම පහසු වන තරමට, ඔහු හෝ ඇය සිය කූඩයට දේවල් වැඩියෙන් එක් කිරීමට පෙළඹීමක් ඇත. පාරිභෝගිකයින්ගෙන් 72%ක් ශීඝ්‍රගාමී බෙදාහැරීමක් (පැය 2ක් ඇතුළත) ලබා දෙන සමාගමකින් තමා දිගටම ඇණවුම් කරන බවට සඳහන් කර ඇති බව සැලකිල්ලට ගනිමින්, ඔබට ඔබේ පාරිභෝගික සබඳතා ආයු පූර්ණ කාලීන වටිනාකම ඉහළ නැංවීමට Uber බෙදාහැරීම් සේවා භාවිතා කළ හැකි ය.
Uber සමගින් ඉල්ලුම අනුව බෙදාහැරීම සිදු කිරීමේ ක්‍රම දෙකකි:
Uber Direct
සමාගම් වෙබ් අඩවියක් හෝ යෙදුමක් වැනි ඔබේ දැනට පවතින විකුණුම් නාලිකා වෙත ඉල්ලුම මත බෙදාහැරීම එක් කිරීම සඳහා තෙවැනි පාර්ශ්වීය බෙදාහැරීමේ විසඳුමක්. ඔබේ පාරිභෝගිකයින්ට ඉක්මනින් හා කාර්යක්ෂමව ඇණවුම් ලබා ගැනීමට Uber ජාලයේ රැගෙන යන්නන් සමඟ සම්බන්ධ වන්න.
Uber Eats වෙළඳපොළ
Uber Eats ප්ලැට්ෆෝමය තුළ ඔබේ ව්‍යාපාරය ලැයිස්තුගත කිරීමෙන් ඔබේ ප්‍රවේශය පුළුල් කර නව පාරිභෝගිකයින් ආකර්ෂණය කර ගන්න. ප්‍රාදේශීය, ඉල්ලුම මත බෙදාහැරීම සඳහා යෙදුම පිරික්සමින් සිටින පාරිභෝගිකයින්ට ඔබේ වෙළඳසැල් මුහුණත දිස් වනු ඇත.
ඔබ Uber Eats වෙළඳපොලේ ඔබේ ව්‍යාපාරය ලැයිස්තුගත කිරීමට තෝරා ගන්නේ නම්, පාරිභෝගිකයින් අතර කැපී පෙනීමට සහ ඇණවුම් වර්ධනය කර ගැනීමට ඔබට යෙදුම තුළ ඇති ප්‍රබල අලෙවිකරණ මෙවලම් වන වෙළඳ දැන්වීම් සහ විශේෂ දීමනා වෙත පිවිසිය හැකි ය. Uber Eats යෙදුම් සංග්‍රහයේ ඔබේ දෘශ්‍යතාව වැඩි දියුණු කරන වෙළඳ දැන්වීම් මගින් වෙළඳ දැන්වීම් භාවිත නොකරනවාට වඩා, තවත් අලුත් පාරිභෝගිකයින්ගෙන් 91%ක් දක්වා ළඟා විය හැකි බව අප සොයාගෙන ඇත; පාරිභෝගිකයින් සඳහා විශේෂ ඉතුරුම් අවස්ථා වන දීමනා, තවත් ඇණවුම් 94%ක් දක්වා ලබා දිය හැකි බව අපි සොයාගෙන ඇත.* තවද, මෙම උපාය මාර්ග ඒකාබද්ධ කිරීමෙන් (අප "එක්ව වඩා හොඳ" ප්‍රවේශය ලෙස හඳුන්වන දේ), ඔබට 200%ක විකුණුම් වැඩිවීමක් සිදු ව ඇති ව්‍යාපාර ගොන්නට සම්බන්ධ වීමේ හැකියාව ඇත.**
ඔබේ අරමුණු මත පදනම්ව ඔබට ක්‍රියාත්මක කළ හැකි දීමනා වර්ග කිහිපයක් මෙන්න. මෙම ඕනෑම දීමනාවක් සඳහා, ඔබට නව හෝ ආපසු එන පාරිභෝගිකයන් (හෝ දෙකම පරීක්ෂා කර බැලීම) ඉලක්ක කර ගැනීමේ විකල්පය ඇත:
ඔබ ඔබේ ම මාර්ග ඔස්සේ සිතැඟි පරිදි සැකසූ දීමනා ක්‍රියාත්මක කළ ද, ඉල්ලුම මත බෙදාහැරීම සඳහා Uber Direct භාවිත කිරීමේ අතිරේක වරප්‍රසාදය මගින් සෑම ඇණවුමක් සමග ම වැඩි පහසුවක් අත් කර දේ.
ආරම්භ කිරීමට සූදානම් ද? ඔබට සරිලන සේවාව සඳහා ලියාපදිංචි වීමඩගැන වැඩි විස්තර දැනගන්න. ඔබ දැන් ම Uber Eats වෙළඳපොළ තුළ ඔබේ ව්‍යාපාරය ලැයිස්තුගත කරන්නේ නම්, ඉහළ සාමාන්‍ය ඇණවුම් අගයක් ගොඩ නැඟීම ආරම්භ කිරීමට Uber Eats කළමනාකාරකය වෙත පිවිසී අලෙවිකරණ ටැබය වෙත යන්න.
අඛණ්ඩ සාර්ථකත්වය සඳහා ඔබේ සාමාන්‍ය ඇණවුම් අගය අධීක්ෂණය කිරීම
සාමාන්‍ය ඇණවුම් අගය ඵලදායී ලෙස වර්ධනය කර ගැනීම පිණිස, එක් එක් උපාය මාර්ගයේ බලපෑම සංගත ලෙස නිරීක්ෂණය කර පවත්වා ගැනීමට ඔබට පුළුවන. ඔබේ සාමාන්‍ය ඇණවුම් අගයේ මිති කයන් වරින් වර පරීක්ෂා කර බැලීම ප්‍රතිඵල අත් කර දෙන්නේ මොනවා ද යන්නත් මනාව සුසර කිරීම සඳහා අවකාශ ඇත්තේ කොතැන ද යන්නත් සොයා ගැනීමට ඉවහල් විය හැකි ය.
නිති අසන පැණ
- සාමාන්‍ය ඇණවුම් අගය යනු කුමක්ද, එය අන්තර්ජාල ගනුදෙනු සඳහා වැදගත් වන්නේ මන් ද?
සාමාන්‍ය ඇණවුම් අගය යනු, පාරිභෝගිකයකු විසින් ගනුදෙනුවකට වැය කරන දළ අගය යි. මින් ව්‍යාපාරවලට සිය පාරිභෝගික පදනම වැඩි කර ගැනීමකින් තොරව ආදායම වර්ධනය කර ගැනීමට ඉඩ සලසන බැවින් එය ඉතා වැදගත් වේ. සාමාන්‍ය ඇණවුම් අගය නිරීක්ෂණය කොට පවත්වා ගැනීම වඩාත් ඵලදායී අයවැය වෙන් කිරීමක්, අලෙවිකරණයක් සහ ආදායම් පුරෝකථනයක් සඳහා සහාය වෙයි.
- සාමාන්‍ය ඇණවුම් අගය සහ පාරිභෝගික පූර්ණ කාලීන වටිනාකම අතර වෙනස කුමක් ද?
සාමාන්‍ය ඇණවුම් අගයෙන් පාරිභෝගිකයකු විසින් ඇණවුමක් සඳහා වියදම් කරන සාමාන්‍ය අගය මනින අතර, පාරිභෝගික පූර්ණ කාලීන වටිනාකම මගින් ගනුදෙනුකරුවෙකුගෙන් ඔවුන්ගේ සම්බන්ධතාවයේ කාල සීමාව තුළ අපේක්ෂා කළ හැකි මුළු ආදායම මනිනු ලැබේ. සාමාන්‍ය ඇණවුම් අගය තනි ගනුදෙනු කෙරෙහි අවධානය යොමු කරන අතර පාරිභෝගික පූර්ණ කාලීන වටිනාකම මගින් පාරිභෝගික සබඳතාවල දිගු කාලීන වටිනාකම පිළිබඳ අවබෝධයක් සපයයි.
- මා විවිධ විකුණුම් නාලිකා සඳහා සාමාන්‍ය ඇණවුම් අගය ගණනය කරන්නේ කෙසේ ද?
ඔබට එක් එක් නාලිකාවෙන් ලැබෙන ආදායම එම නාලිකාව සඳහා වන ඇණවුම් ගණනින් බෙදිය හැකි ය. නාලිකා හරහා සාමාන්‍ය ඇණවුම් අගය සංසන්දනය කිරීම මගින් (අන්තර්ජාලය ඔස්සේ හා අලෙවිසැල තුළ ආදී ලෙස) ඉහළ ඇණවුම් අගයක් ආකර්ෂණය කර ගන්නේ කවර මාර්ගය ද වැනි වටිනා කරුණු පිළිබඳ අවබෝධයක් ලැබේ.
එක්සත් ජනපදයේ සහ කැනඩාවේ කුඩා හා මධ්‍යම පරිමාණ ව්‍යායාපාර (SMBs) ඔවුන්ගේ පළමු මාසයේ දැන්වීම් ක්‍රියාත්මක කළ සාමාන්‍ය දත්තවලට වඩා 91% වැඩි අනන්‍ය පාරිභෝගිකයින් වෙත ළඟා විය. ඔවුන්ගේ පළමු මාසයේදී පිරිනැමීම් ක්‍රියාත්මක කළ අය වර්ධන විකුණුම්වල 94% ක වර්ධනයක් දුටුවේය. දත්ත 2022 ජූලි සිට 2022 දෙසැම්බර් දක්වා වේ. සැබෑ ප්‍රතිඵල වෙනස් වීමට ඉඩ ඇත.
**මෙම ප්‍රමිතිකය 2023 ජනවාරි 1 සහ 2023 අගෝස්තු 1 අතර දින 7කට වඩා අලෙවිකරණ ප්රචාරණ ව්‍යාපාර ක්‍රියාත්මක නොකළ වෙළෙන්දන්, දීමනා පමණක් ක්‍රියාත්මක කරන වෙළෙන්දන් සහ එක්ව වෙළඳ දැන්වීම් සහ දීමනා ක්‍රියාත්මක කරන වෙළෙන්දන් සමඟ සංසන්දනය කරයි. එය කිසිදු ප්රචාරණ ව්‍යාපාරයක් ක්‍රියාත්මක නොවූ දිනවලට සාපේක්ෂව සක්‍රීය ප්රචාරණ ව්‍යාපාර දින තුළ ඔවුන්ගේ විකුණුම් සහ ඇණවුම් සංසන්දනය කරයි. වෙළඳ දැන්වීම් සහ දීමනා යන දෙකම ක්‍රියාත්මක වන විට විකුණුම් සහ ඇණවුම් සියලු ප්‍රදේශ සහ කොටස්වල 200% කට වඩා වැඩි වර්ධනයක් පෙන්නුම් කළේය. සැබෑ ප්‍රතිඵල වෙනස් වීමට ඉඩ ඇත.
සේවා
සේවා
තාක්ෂණය
ඇණවුම් කළමනාකරණය කරන්න
මෙහෙයුම් සරල කරන්න
ඔබේ විකුණුම් වර්ධනය කරගන්න
ගනුදෙනුකරුවන් වෙත ළඟා වන්න
අප සේවය ලබා දෙන අය
අප සේවය ලබා දෙන අය
මිලකරණය
සම්පත්
පාරිභෝගික කේන්ද්රය
ඉගෙන ගන්න
අපව අමතන්න