ව්‍යාපාර වියදම් නිරීක්‍ෂණය කරන ආකාරය: අනුගමනය කිරීමට පියවර 6ක්

කුඩා ව්‍යාපාර හිමිකරුවන්ට බොහෝ විට පහසුව සඳහා ඔවුන්ගේ පුද්ගලික ක්‍රෙඩිට් කාඩ්පත මත පදනම්ව තම ව්‍යාපාර වියදම් සිදු කිරීමට සිදු වේ. නමුත් ව්‍යාපාර ක්‍රෙඩිට් කාඩ්පතක් භාවිතා කිරීම ව්‍යාපාරික බැංකු ගිණුමක් විවෘත කිරීම හා සමාන දෙයක් ඉටු කරයි: එය ගිණුම්කරණ ක්‍රියාවලිය පහසු කරමින් ව්‍යාපාර වියදම් පුද්ගලික වියදම් වලින් වෙන් කර තබා ගැනීමට ඔබට උපකාරී වේ. ඔබ ඔබේ ව්‍යාපාර ක්‍රෙඩිට් කාඩ්පත ව්‍යාපාරික අරමුණු සඳහා පමණක් භාවිතා කරන බවට වග බලා ගන්න. පුද්ගලික මිලදී ගැනීම් සඳහා ඔබ එය නොසැලකිලිමත් ලෙස භාවිතා කරන්නේ නම්, එය ඔබේ අරමුණ පරාජය කරයි (ඒ වගේම ඔබේ කාඩ්පත් සාමාජික ගිවිසුමේ නියමයන්ට ද පටහැනි විය හැකිය).

ඔබ ඒවා සටහන් කිරීමට පෙර ඔබේ රිසිට්පත් නැති නොවන බවට වග බලා ගැනීම සඳහා පද්ධතියක් සාදන්න. ඔබේ බොහෝ මිලදී ගැනීම් හරහා කඩදාසි රිසිට්පත් නිර්මාණය වන්නේ නම්, ඒවා නැති නොවන අන්දමින් ආරක්‍ෂිත ස්ථානයක තබා දිනය හෝ කාණ්ඩය අනුව ලේබල් කර ඇති ගොනු ෆෝල්ඩර වැනි දෑ භාවිතා කර ඔබේ ජීවිතය පහසු කිරීම සඳහා ඒවා සංවිධානය කරන්නේ කෙසේදැයි සලකා බලන්න.

ඩිජිටල් ගොනු සමඟ වැඩ කටයුතු කිරීම පහසු බව ඔබ සිතන්නේ නම්, ඔබේ රිසිට්පත් නිතිපතා ඩිජිටල්කරණය කරන්න. විවිධ වර්ගයේ මිලදී ගැනීම් සඳහා, ඔබට රිසිට්පතේ ඩිජිටල් අනුවාදයන් (මාර්ගගත ඇණවුම් වැනි) ස්වයංක්‍රීයව ලබා ගත හැකිය. අනෙක් ඒවා සඳහා, ඔබ කඩදාසි රිසිට්පත් ස්කෑන් කළ යුතුය. ඔබට පැරණි මාදිලියේ ස්කෑනරයක්, තිබේ නම්, භාවිතා කළ හැකිය, නැතිනම් ක්‍රියාවලිය පහසු කිරීම සඳහා නිර්මාණය කර ඇති රිසිට්පත්-ස්කෑන් කිරීමේ යෙදුමක් භාවිතා කළ හැකිය.

ඉහත සඳහන් රිසිට්පත් සකස් කරන යෙදුම් වලට අමතරව, සමස්ත වර්ගයේ මෘදුකාංග කුඩා ව්‍යාපාර හිමියන්ගේ ගිණුම් කටයුතු පහසු කිරීම සඳහා අවශ්‍ය පහසුකම් සලසයි. ඔබට ඉතා සුදුසු තේරීම ඔබේ ව්‍යාපාර අවශ්‍යතා සහ පුද්ගලික තේරීම් මත රඳා පවතී (තවද, මෙම පියවරේදී සහ ඉන් එහාටද ඔබට සහාය වන ගණකාධිකාරියෙකු ලෙස මෙය ක්‍රියා කිරීමට හැකිය).

Spreadsheet එකක් තුළ අදාළ ගනුදෙනු සටහන්ගත කිරීම ඉතා අසීරු කාර්යක් ලෙස ඔබට පෙනීය හැකි නමුත්, බොහෝ ගිණුම්කරණ මෘදුකාංග ව්‍යාපාර වියදම්නිරීක්ෂණය සරල කරන ස්වයංක්‍රීයකරණය වැනි විශේෂාංගවලින්ද සමන්විතයි. වියදම් ස්වයංක්‍රීයව පුරනය වන පරිදි ඔවුන් ඔබේ බැංකු ගිණුම සම්බන්ධ කිරීමට අවස්ථාව සලසන අතර, ඉන්වොයිසි කිරීම සහ වාර්තා කිරීම වැනි වෙනත් ඉතා ඵලාදායී ගිණුම්කරණ විශේෂාංග ද ලබා දේ.

ඔබේ ක්‍රියාවලිය නිර්වචනය කිරීම ඔබ තෝරා ගන්නා මෙවලම මත රඳා පවතී, නමුත් නිවැරදි මෙවලම ඵලදායී වන්නේ ඔබ හොඳ ක්‍රියාවලියක් වැඩිදියුණු කර කරන්නේ නම් පමණි. පවතින විශේෂාංග මත පදනම්ව, ඔබේ වියදම් යාවත්කාලීනව පවත්වා ගැනීමට සහ මනා සංවිධානයකින් යුතුව තබා ගැනීම සඳහා පියවරෙන් පියවර ක්‍රියාවලිය සම්පූර්ණ කරන්න.

මෙය ගණකාධිකාරීවරයෙකු සමඟ සාකච්ඡා කිරීමට හොඳ පියවරකි. ඇතුළත් කළ යුතු ප්‍රධාන කාණ්ඩ සහ එක් එක් කාණ්ඩය තුළ කුමන ආකාරයේ වියදම් ඇතුළත් වන්නේද යන්න පිළිබඳව ඔවුන්ට උපදෙස් ලබා දීමට හැකිය. මෙහි ඔබේ ක්‍රියාවලිය පැහැදිලි කිරීමෙන් ඔබ්බට ගොස්, එය තම පාලනයේ තබා ගැනීම සඳහා ඔබ කළ යුතු දේ තේරුම් ගන්න. එයින් අදහස් කරන්නේ එය ඔබේ දෛනික චර්යාවේ කොටසක් බවට පත් කිරීම හෝ පුනරාවර්තන දින දර්ශන ඇඟවීමක් සැකසීම විය හැකිය.

ඔබේ ව්‍යාපාරයට සේවකයන් සිටීනම්, ඔවුන් ව්‍යාපාරය සඳහා කරන ඕනෑම මිලදී ගැනීමකදී, වියදම් නිරීක්ෂණය හැසිරවිය යුතු ආකාරය පැහැදිලිව නිර්වචනය කරන ක්‍රමවේදයක් සාදන්න. රිසිට්පත් සමඟ කළ යුතු දේ, වියදම් ස්ටහන් ගත කිරීම සඳහා වගකිව යුත්තේ කවුරුන්ද සහ ඔවුන් එය කළ යුත්තේ කෙසේද යන්න තීරණය කරන, පියවරෙන් පියවර පැහැදිලි කරන මාර්ගෝපදේශ ලේඛන.

මෙය පැවසීමට පහසු, නමුත් කිරීමට දුෂ්කරම කොටස විය හැකිය. කුඩා ව්‍යාපාර කාර්යබහුල වන අතරතුර ඔබේ අවධානය යොමු විය යුතු වෙනත් දේ සැමවිටම තිබෙනු ඇත. නමුත් ඔබ ප්‍රමාද වන තරමට, එය විශාල කාර්යයක් බවට පත් වනු ඇත. ඔබට සෑම දිනකම හෝ සතියකම ඒ සඳහා සුළු කාලයක් ගත කළ හැකිය, නැතහොත් ඔබේ ගණකාධිකාරීවරයා අවසන් දිනයක් නියම කරන විට වඩා දිගු ක්‍රියාවලියක සහ වෙහෙසකර පැය ගණනක් වෙන් කරමින් එහි සිර වී සිටීමට ද සිදු විය හැකිය.