මෙම ලිපියේ සඳහන් කර ඇති නිෂ්පාදන සහ සේවාවන්, ඔබේ කලාපය තුළ ලබා ගත නොහැකි විය හැක. ඔබට ප්‍රශ්න කිසිවක් ඇත්නම්, පාරිභෝගික සහාය සේවය හෝ ඔබේ ගිණුම් කළමනාකරු අමතන්න.
2025 වර්ෂය සඳහා පාරිභෝගික රඳවා ගැනීමේ උපාය මාර්ග 7ක්
Exploding Topics අනුව සියලුම ක්ෂේත්ර ඔස්සේ සාමාන්‍ය පාරිභෝගික රඳවා ගැනීමේ අනුපාතය 75%කි. 84%ක අගයක් සමගින් මාධ්‍ය ඉහළ ම ස්ථානයේ සිටින අතර, 55%ක පහළ ම ස්ථානය ලබාගෙන ඇත්තේ ආගන්තුක සත්කාර, සංචාර සහ අවන්හල් වේ.
මෙම ක්ෂේත්ර දෙක අතර 29%ක ව්‍යාප්තියක් ඇත්තේ මන් දැයි යන්න පැහැදිලි ය. මිනිසුන්ට කෙලින්ම සිය ස්මාර්ට් දුරකථනයෙන් ඕනෑම වේලාවක ඕනෑම තැනක සිට සිය ප්‍රියතම මාධ්‍ය පරිහරණය කිරීමේ හැකියාව තිබේ. නමුත් කිසිවෙකුටත් සිය ප්‍රියතම අවන්හල අතට ගෙන සාක්කුවේ ලාගෙන තමා සමග ගෙන යා නොහැකි ය.
එම ඉදිරි දර්ශනය සිත්හි තබාගෙන බැලීමේ දී, 55%ක පාරිභෝගික රඳවා ගැනීමේ අනුපාතයක් යනු පෙනෙනවාට වැඩි ජයග්‍රහණයක් වේ. එපමණක් ද නොව, මෑතක දී සිදු කළ පාරිභෝගික පර්යේෂණවලින් පෙනී යන්නේ කර්මාන්ත හසුරුවන්නන්ට (අවන්හල්, ඔසුසැල් සහ සිල්ලර වෙළඳසැල් වැනි) රඳවා ගැනීමේ අනුපාතය ඉහළ නැංවීම සඳහා නිශ්චිත උපාය මාර්ග ක්‍රියාවට නැංවිය හැකි බවයි.
සිල්ලර වෙළෙන්දන් ඉල්ලුම මත බෙදා හැරීමේ සේවාවන් පිහිටුවන විට, නිදසුනක් ලෙස, රඳවා තබා ගැනීම සහ ලැදියාව වැඩි වේ. බොහෝ පාරිභෝගිකයින් පවසන්නේ ධනාත්මක බෙදාහැරීමේ අත්දැකීමක් මගින් නැවතත් ඇණවුමක් ලබා දීමට (94%) සහ සිල්ලර වෙළෙන්දෙකු අන් අයට නිර්දේශ කිරීමට (92%) වැඩි පෙළඹවීමක් ඇති කරන බවයි.
මෙම ලිපිය මගින්, පාරිභෝගිකයන්ට ඔබේ ව්‍යාපාරය ඔවුන් සමග ගෙන යා හැකි නොහැකි තත්ත්වයක් තුළ පවා එය සිතේ රැඳී තිබෙන පරිද්දෙන් ගනුදෙනුකරුවන් රඳවා තබා ගැනීම ඉහළ නැංවීමට ඔබට උපකාරී වන උපාය මාර්ග 7ක් විමසා බලනු ඇත.
පාරිභෝගිකයින් රඳවා තබා ගැනීම යන්‍නෙන් අදහස් වන්නේ කුමක් ද යන්න සහ එය වැදගත් වන්නේ මන්ද යන්න
පාරිභෝගික රඳවා තබා ගැනීම යනු ව්‍යාපාරයක් විසින් ස්ථාවර වටිනාකමක් ලබා දීමෙන් සහ ධනාත්මක අත්දැකීම් නිර්මාණය කිරීමෙන් දිගුකාලීන පාරිභෝගික සබඳතා පවත්වා ගැනීමයි.
ගනුදෙනුකරුවන් රඳවා තබා ගැනීම වැදගත් වන්නේ ඔබේ ගනුදෙනුකරුවන් ඔබේ ව්‍යාපාරයේ ජීවනාලිය වන බැවිනි. විදුලි පහන් දල්වා තබා ගැනීමටත්, ඔබේ ලාභය වැඩි කර ගැනීමටත්, ඔබට වර්ධනය වීමටත් ඔවුන්ගේ පක්ෂපාතීත්වය ඉවහල් වේ.
ඔබේ ව්‍යාපාරයට ස්ථාවර පාරිභෝගික පැමිණීම් ප්‍රවාහයක් තිබීම මගින් ඔබට පාරිභෝගිකයන් අත්පත් කර ගැනීමට යන වියදම ද ඉතිරි වෙයි.
නව ගනුදෙනුකරුවන් ආකර්ෂණය කර ගැනීම උදෙසා, ඔබේ වෙළඳ ප්‍රචාරණ අයවැය යොදා ගැනීම (මෙය ඔබ විසින් කළ යුතු දෙයකි) මත පමණක් රඳා සිටීම වෙනුවට, විශ්වාසවන්ත ගනුදෙනුකරුවන්ට ඔබ වෙනුවෙන් යම් කාර්යයක් කිරීමට ඉඩ දෙන්න. සංඛ්‍යාලේඛනවලින් පෙනී යන්නේ පාරිභෝගිකයින්ගෙන් 90%ක පිරිසක් තමන් විශ්වාස කරන වෙළඳ සන්නාම අන් අයට නිර්දේශ කරන බවයි.
පාරිභෝගිකයන් රඳවා ගැනීමට බලපාන මූලික සාධක
පාරිභෝගික රඳවා තබා ගැනීම සාර්ථකත්වයේ යතුර බව අපි දනිමු, නමුත් රඳවා තබා ගැනීම කෙරෙහි බලපාන්නේ කුමක්ද? ගනුදෙනුකරුවන් ඔබ සමග රැඳී සිටීමට හා ඊටත් ඔබ්බෙන් යමින් සිය පවුලේ අය සහ මිතුරන්ට ඔබේ ව්යාපා රය ගැන පැවසීමට පොළඹවාලන්නේ කවරක් ද? සලකා බැලිය යුතු හේතු කිහිපයක් පහත දැක්වේ.
Customer experience
මිනිසුන්ගෙන් හතරෙන් තුනක් (73%) sක පිරිසක් අත්දැකීම් සිය මිල දී ගැනීමේ තීරණවලට වැදගත් අංගයක් බව පවසයි. තව ද, අද වන විට පාරිභෝගිකයින්ට සෑම අංශයකින් ම සාධනීය අත්දැකීම් අවශ්‍ය වේ. මෙම ඉහළ මට්ටමේ පාරිභෝගික අත්දැකීමට ළඟා වීමට, මිත්‍රශීලී කාර්ය මණ්ඩලයක් බඳවා ගැනීමෙන්, අන්තර්ජාලය ඔස්සේ ඇණවුම් කිරීමේ පහසුව සඳහා ප්‍රමුඛතාවය ලබා දීමෙන් සහ අදාළ යෙදුම තුළ ප්‍රවර්ධන සමග පක්ෂපාතීත්වය වෙනුවෙන් පාරිතෝෂික ලබා දීමෙන් ආරම්භ කරන්න.
නිරන්තරයෙන් වෙනස් වන පාරිභෝගික හැසිරීම්
නූතන පාරිභෝගිකයෝ සැමවිටම අවන්හලකින් ආහාර ගැනීම සඳහා පිටතට නොයකි, තමා ම ග්‍රොසරියට නොයති, නොඑසේ නම් බෙහෙත් වට්ටෝරුවක් මිල දී ගැනීමට වාහනයේ සිට ම මිල දී ගත හැකි තැනකට හෝ නොඑති. ඒ වෙනුවට, බොහෝ දෙනා ඒවා ගෙන්වා ගැනීම කෙරෙහි විශ්වාසය තබති. සිල්ලර ගනුදෙනුකරුවන්ගෙන් 75%ක පිරිසක් පවසන්නේ තමන් විකල්පයක් ලෙස ශීඝ්‍රගාමී බෙදා හැරීම අපේක්ෂා කරන බවයි. ඍජුව ම ඔබේ වෙබ් අඩවියෙන් අන්තර්ජාලය ඔස්සේ ඇණවුම් කිරීම සහ ශීඝ්‍රගාමී බෙදාහැරීම පිරිනැමීමෙන් රඳවා ගැනීමේ අනුපාතයන් වැඩි දියුණු කර ගනිමින් තරගකරුවන් අතර කැපී පෙනීමට ඔබට හැකියාව ලැබේ.
වෙළඳ සන්නාම අගයන්
සමාගමේ වටිනාකම් පාරිභෝගික පක්ෂපාතීත්වය හැඩගැස්වීමේ දී වැදගත් කාර්යභාරයක් ඉටු කරයි. ඇත්ත වශයෙන්ම, පාරිභෝගිකයින්ගෙන් 82%ක පිරිසක් ඔවුන්ගේ වටිනාකම්වලට සමාන වටිනාකම් සහිත වෙළඳ සන්නාමවලට සහාය දැක්වීමට වැඩි කැමැත්තක් දක්වයි. ව්‍යාපාරය සහාය දක්වන්නේ තිරසාරභාවයට, සමාජ වගකීම්වලට හෝ දේශීය ප්‍රජාවන්ට හෝ වුව ද, සිය හර පද්ධතීන් තමාගේ මෙහෙයුම්වලට නිර්ව්‍යාජ ලෙස ඒකාබද්ධ කරන ව්‍යාපාරවලට ගනුදෙනුකරුවන් සමග වඩා ගැඹුරු සබඳතා ගොඩ නඟා ගත හැකි ය.
පාරිභෝගිකයා රඳවා තබා ගැනීමේ උපාය මාර්ග 7
ඔබේ රඳවා ගැනීමේ අනුපාතය ඇත්තේ අඩු පැත්තේ නම්, එය ඉහළ නංවා ගැනීමට හැකි ක්‍රමයක් සොයා ගැනීමට පහත උපක්‍රම විමසා බලන්න. පාරිභෝගික ලැදියාව ශක්තිමත් කරමින් වර්ධනයක් අත්පත් කර ගැනීමට මේ අදහස් ක්‍රියාවට නංවා බලන්න.
සියලු ම මාර්ගවලින් සහාය පිරිනැමීම
ඔබ වෙළඳසැලේ තුළ අත්දැකීම පිළිබඳ මනා පරිචයක් ලබා ඇත—ඔබේ කාර්ය මණ්ඩලය මිත්‍රශීලි ය, වෙළඳසැල අවශ්‍ය භාණ්ඩවලින් පිරී ඇත, ගෙවා පිටවීම සරල ක්‍රියාවලියකි. නමුත් වර්තමාන පාරිභෝගිකයින්ගේ අවශ්‍යතා සැබවින්ම සපුරාලීම සඳහා, ඔබ ඔවුන්ගේ ඩිජිටල් අපේක්ෂාවන් ද සපුරාලිය යුතුය. පදික වේදිකාවේ සිට භාණ්ඩ ලබා ගැනීම, තත්කාලීන ඇණවුම් නිරීක්ෂණය සහ Uber Eats වැනි තෙවැනි පාර්ශ්වීය යෙදුම් ඔස්සේ බෙදාහැරීම සමගින් ඔබේ වෙළඳසැලෙන් ලබා දිය හැකි සෑම පහසුකමක් ම ලබා දෙන්න. තව ද, ඔබේ වෙබ් අඩවියෙන් අන්තර්ජාලය ඔස්සේ බෙදාහැරීම නිර්මාණය කිරීමට ද (එසේ නැතහොත් එය ප්‍රශස්ත කිරීමට) අමතක නොකරන්න. විවිධ මාර්ග ඔස්සේ ඔබේ ව්‍යාප්තිය පුළුල් කිරීමෙන්, ගනුදෙනුකරුවන් රඳවා ගැනීම සහ පාරිභෝගික තෘප්තිය
ඉහළ නංවමින් පාරිභෝගිකයන් අන්තර්ජාලයේ සිටියත් වෙළඳසැල තුළ සිටියත් ඔබට ඔවුන් මුණ ගැසෙනු ඇත.පාරිභෝගික සහාය ඉක්මනින් කළමනාකරණය කරන්න
ඔබේ ගනුදෙනුකරුවන් සතුටින් තබා ගැනීම සඳහා ගනුදෙනුකරුවන්ගේ ගැටලු ඉක්මනින් විසඳීම අත්‍යාවශ්‍ය වේ. පාරිභෝගිකයින් සතුටු වන විට, ඔවුන් ඔබේ වෙළඳසැලට ආපසු පැමිණීමේ වැඩි ඉඩක් තිබේ.
ඔබේ ගනුදෙනුකරුවන් ඇණවුම් ගැටලු, බෙදාහැරීමේ ප්‍රමාදයන් හෝ නිෂ්පාදන විමසීම්වලට මුහුණ දෙන්නේ වුව ද, ඔබේ සහාය කණ්ඩායම ඉල්ලීම් කාර්යක්ෂමව හැසිරවීමට අවශ්‍ය සම්පත්වලින් සන්නද්ධ කරන්න.
ඔබේ වෙබ් අඩවියේ නිති අසන පැන හෝ යෙදුම තුළ උපකාර වැනි ඔබේ ස්වයං සේවා පාරිභෝගික සහාය විකල්ප ප්‍රශස්තකරණය කිරීමෙන් ආරම්භ කරන්න. සහාය කණ්ඩායමේ සාමාජිකයෙකු සම්බන්ධ කර ගැනීමට පෙර ඔබේ ගනුදෙනුකරුවන්ට තම ගැටලු විසඳා ගැනීමට මෙය උපකාරී විය හැකි ය. ඔබේ නිති අසන පැන හෝ යෙදුම-තුළ උපකාර මගින් ගැටලුව විසඳන්නේ නැතිනම්, චැට් කතාබහ, දුරකථන හෝ විද්‍යුත් තැපැල් මාර්ගයෙන් ඔබට උදවු කිරීමට සැබෑ පුද්ගලයෙකු සිටින බවට වග බලා ගන්න.
අන්තර්ක්‍රියා පුද්ගල විශ‍ේෂී බවට පත් කරන්න
ඔබ ගනුදෙනුකරුවෙකු සමඟ මුහුණට මුහුණ වැඩ කරන විට, ඔවුන්ට අවශ්‍ය දේ දැනගැනීම පහසු ය. මිත්‍රශීලී සේවකයකුට ඒ මොහොතේ දී ප්‍රශ්න අසා, නිර්දේශ පිරිනමමින් ගනුදෙනුව සිදු වන අතරේ අවශ්‍ය ගැළපුම් සිදු කිරීමේ හැකියාව තිබේ.
දත්ත නිරීක්ෂණය කොට පවත්වා ගැනීමෙන් සහ විශ්ලේෂණ මෙවලම් භාවිතා කිරීමෙන් ව්‍යාපාරවලට අන්තර්ජාලය ඔස්සේ ඒ හා සමාන පුද්ගල විශ‍ේෂී සැකසුමක් කරා ළඟා විය හැකි ය. මෙම මෙවලම් මගින් සමාගම්වලට පාරිභෝගික හැසිරීම්, ඔවුන්ගේ අභිරුචීන් සහ අතීත ගනුදෙනු විශ්ලේෂණය කිරීමට හැකි වන අතර ඒ ඔස්සේ ඔවුන්ට ගැළපෙන නිර්දේශ ලබා දීමට සහ වඩාත් ආකර්ෂණීය ජාලස්ථ අත්දැකීම් නිර්මාණය කිරීමට ඉඩ සලසයි.
ශක්තිමත් සබඳතා ගොඩනඟා ගන්න
අනියම් ගනුදෙනුකරුවන් පක්ෂපාතීත්වයක් දක්වන රසිකයන් බවට පත් කිරීම ආරම්භ වන්නේ අර්ථාන්විත සබඳතා තුළිනි. නිතර පැමිණ‍ෙන අයකුගේ ප්‍රියතම ආහාරයක් මතක තබා ගැනීම වේවා, අර්ථාන්විත සංවාදයක් පැවැත්වීම හෝ වේවා ඔවුන් ඔබට පවසන දේ මත පදනම්ව අභිමතානුසාරී නිර්දේශ ලබා දීම හෝ වේවා, පුද්ගලික මට්ටමින් පාරිභෝගිකයින ් සමග සම්බන්ධ වීමට ඔබේ කාර්ය මණ්ඩලය දිරි ගන්වන්න.
පුද්ගල විශ‍ේෂී විද්‍යුත් තැපැල් අලෙවිකරණය, නැවත නැවත එන ගනුදෙනුකරුවන් සඳහා සුවිශේෂී දීමනා සහ නිතර සිදු කරන මිල දී ගැනීම් සඳහා ප්රතිලාභ ලබා දෙන ලැදියා වැඩසටහන් හරහා අන්තර්ජාලය ඔස්සේ සබඳතා ගොඩ නඟා ගැනීමට ඔබට පුළුවන.
ලැදියා සහ පාරිතෝෂික වැඩසටහන් ක්‍රියාවට නංවන්න
ලැදියා වැඩසටහන් පිළිබඳව කතා කරන විට, තව ම ඔබට එකක් නැති ද? එසේ නොවේ නම්, දැන් ආරම්භ කිරීමට හොඳ කාලය කි. සංඛ්‍යාලේඛනවලින් පෙන්නුම් කරන්නේ පාරිභෝගිකයින් ලැදියා වැඩසටහන්වලට ඇලුම් කරන අතර ඒවා පාරිභෝගිකයන් රඳවා තබා ගැනීමේ ශක්තිමත් ඒකකයක් බවයි.
2024 ඇපකර ලැදියා වාර්තාවෙන් පහත කරුණු සොයා ගන්නා ලදී:
- පාරිභෝගිකයින්ගෙන් 85%ක පිරිසක් පවසන්නේ ලැදියා වැඩසටහන් මගින් අදාළ සිල්ලර වෙළ‍ෙන්දා සමග දිගට ම ගනුදෙනුවල යෙදීමට ඔවුන් තුළ පෙළඹවීමක් ඇති කරන බවයි
- 79%ක පිරිසක් පවසන්නේ හොඳ ලැදියා වැඩසටහනක් සහිත වෙළඳ නාමයක් නිර්දේශ කිරීමට තමන් වැඩි කැමැත්තක් දක්වන බවයි
- 73%ක පිරිසක් සිය ලැදියා ප්රතිලාභ උපරිම කිරීම සඳහා තමන් වියදම් කරන මුදල වෙනස් කරනු ඇත
ලැදියා වැඩසටහනක් ගොඩනැගීම පන්ච් කාඩ්පතක් භාවිතය ආරම්භ කිරීම තරම් සරල හෝ තිළිණ යෙදුමක් නිර්මාණය කිරීම තරම් ප්‍රබල විය හැකි ය.
අඛණ්ඩ වැඩිදියුණු කිරීම සඳහා ප්‍රතිපෝෂණය යොදා ගන්න
විවිධ ක්‍රම ඔස්සේ පාරිභෝගිකයන් රඳවා තබා ගැනීමේ අගයන් වැඩි කර ගැනීමේ හැකියාව ඔබට තිබුණ ද ඔබේ පාරිභෝගිකයාට හොඳින් ම ගැළපෙන්නේ කුමක් ද යන්න දැන ගැනීමට ඇති හොඳම ක්‍රමය ඔවුන්ගෙන් ඒ ගැන විමසීමයි.
ඔබේ ගනුදෙනුකරුවන්ගේ ප්‍රතිපෝෂණ හසු කර ගැනීමට ක්‍රම කිහිපයක් මෙන්න:
- සමීක්ෂණ: මිල දී ගැනීමෙන් පසු ගනුදෙනුකරුවන්ගේ තෘප්තිය පිළිබඳ අවබෝධයක් ලබා ගැනීම සඳහා ඔබට කෙටි, ඉලක්කගත සමීක්ෂණ විද්‍යුත් තැපෑලෙන් හෝ යෙදුම ඔස්සේ යැවිය හැකිය.
- වෙළඳසැල තුළ හෝ ජාලස්ථ ප්‍රතිපෝෂණ ආකෘති පත්‍ර: ගෙවා පිටවීමේ දී හෝ අන්තර්ජාලය ඔස්සේ පාරිභෝගිකයන්ගේ ගිණුම් අංශය තුළ ප්‍රතිපෝෂණ ආකෘති පත්‍ර තැබීමෙන් පාරිභෝගිකයන්ට සිය අදහස් බෙදාගැනීම පහසු කිරීම ගැන සලකා බලන්න.
- සමාජ මාධ්‍ය මත විමසුම් සහ අන්තර්ක්‍රියා: අන්තර් ක්‍රියාකාරී මත විමසුම් හෝ ඍජු ප්‍රශ්න ඔස්සේ සමාජ මාධ්‍ය අවකාශයන් හරහා ඔබේ ප්‍රේක්ෂක පිරිස සහභාගි කරවා ගැනීම අදහස් ලබා ගැනීමට ඉවහල් වනු ඇත.
- පාරිභෝගික සම්මුඛ සාකච්ඡා: විශ්වාසවන්ත ගනුදෙනුකරුවන් සමග මුහුණට මුහුණ සම්මුඛ සාකච්ඡා පැවැත්වීම ඔවුන්ගේ අත්දැකීම් පිළිබඳ ගැඹුරු අවබෝධයක් ලබා ගැනීමට ඔබට උපකාරී වේ.
- සමාලෝචන සහ ශ්‍රේණිගත කිරීම්: විස්තරාත්මක ප්‍රතිපෝෂණ රැස් කර ගැනීම උදෙසා ඔබේ වෙබ් අඩවියේ හෝ Google හෝ Yelp වැනි තෙවැනි පාර්ශ්වීය අවකාශයන් මත සමාලෝචන තබා යන ලෙද ඔබේ පාරිභෝගිකයන් දිරි ගැන්වීමට ඔබට පුළුවන.
- ලැදියා වැඩසටහන් ප්‍රතිපෝෂණය: ලැදියා වැඩසටහන් නැවත නැවත එය ගනුදෙනුකරුවන්ගෙන් පෙරළා පාරිතෝෂික ලබා දීමේ පොරොන්දුව පිට අදහස් ඉ්ලා සිටීමට ඔබට උපකාරී වෙයි.
- පාරිභෝගික සහාය අන්තර් ක්‍රියා: සහාය ප්‍රවේශපත් හෝ සජීවී චැට් කතාබස් සටහන් විශ්ලේෂණය කිරීමෙන් නැවත නැවතත් ඇති වන ගැටලු හෝ වැඩිදියුණු කිරීමේ අවස්ථා හඳුනාගත හැකි ය.
ඔබ විසින් ප්‍රතිපෝෂණයන් හසු කර ගැනීමත් සමග, රටාවන් හඳුනා ගැනීම සඳහා එය සමාලෝචනයට ලක් කර දියුණුවක් අත් කර ගැනීම සඳහා ඔබට සිදු කළ හැකි වෙනස්කම් අනාවරණය කරගන්න.
ඔබේ ම නාලිකා ඔස්සේ බෙදාෙහැරීමේ අත්දැකීම වැඩි දියුණු කරන්න
මෙම ක්‍ෂ‍ේත්‍රය තුළ පාරිභෝගික ලැදියාව සහ රඳවා තබා ගැනීම සඳහා වඩාත් ප්‍රබල නවෝත්පාදනයන්ගෙන් එකක් වන්නේ බෙදාහැරීමේ සේවාවන්හි ඇති කරන සැලකිය යුතු දියුණුවයි.
පාරිභෝගිකයින්ට තවදුරටත් ගුණාත්මක බෙදාහැරීමක් සඳහා බලා සිටීමට අවශ්‍ය නැත; ඔවුන්ට අවශ්‍ය විටෙක ඔවුන්ට අවශ්‍ය ඕනෑම දෙයක් ලබා ගත හැකි ය. ඔවුන් වේගවත් හා විශ්වාසදායක බෙදාහැරීමකට පුරුදු වී ඇති අතර එය දැන් අනිවාර්ය අපේක්ෂාවක් බවට පත් වී ඇත.
ඇත්ත වශයෙන්ම, පාරිභෝගිකයින්ගෙන් 75%ක පිරිසක් කියා සිටින්නේ තමන් විකල්පයක් ලෙස ශීඝ්‍රගාමී බෙදා හැරීම (පැය 2ක් ඇතුළත) අපේක්ෂා කරන බව වන අතර 72%ක පිරිසක් ශීඝ්‍රගාමී බෙදාහැරීම සපයන සමාගම්වලින් දිගට ම ඇණවුම් කිරීමේ වැඩි ඉඩක් ඇත. පාරිභෝගිකයින්ගෙන් 44%ක පිරිසක් පවසන්නේ ඔවුන් මේ ආකාරයේ ශීඝ්‍රගාමී බෙදාහැරීමක් ලබා නොදුන් නිසා ව්‍යාපාරයකට පක්ෂපාතීත්වය දැක්වීම නැවැත්වූ බවයි.
මෙන්න සුබ ආරංචියක්: ශීඝ්‍රගාමී බෙදාහැරීම යනු ඔබට ඔබේ ම නාලිකා හරහා ලබා දිය හැකි විකල්පයකි. හොඳම දේ? ඔබට බර එසවීමට සිදු නොවේ. Uber Direct වැනි අවකාශයන් සමග, ඔබට ඔබේ බෙදාහැරීමේ සේවා තෙවැනි පාර්ශ්වයන්ට ලබා දිය හැකිය, එයින් අදහස් කරන්නේ පාරිභෝගිකයින්ට ඔබේ වෙබ් අඩවියේ ඇණවුම් කළ හැකි අතර Uber Direct විසින් බෙදාහැරීම සම්බන්ධ කටයුතු ඉටු කර දෙන බවයි.
පාරිභෝගිකයන් රඳවා ගැනීමේ උපාය මාර්ගවල බලපෑම මැනීම
ඔබ කරන වෙනස්කම් ඔබේ පාරිභෝගිකයින් රඳවා තබා ගැනීමේ අගයට බලපාන්නේ දැයි දැනගන්නේ කෙසේ ද?
පහත දැක්වෙන ක්‍රම ඔස්සේ පාරිභෝගික තෘප්තතා මට්ටම් මැන බැලීමට ඔබට පුළුවන:
- මූලික මිතීන් නිරීක්ෂණය කරන්න: මීට ගනුදෙනුකරුවන් රඳවා තබා ගැනීම ඇගයීම පිණිස නැවත මිල දී ගැනීමේ අනුපාතයන්, ඇණවුම් ලබා දීමේ වාර ගණන සහ දළ ඇණවුම් අගය අධීක්ෂණය කිරීම අයත් වේ. නිදසුනක් වශයෙන්, සිල්ලර වෙළඳසැල්වලට පොදු භාණ්ඩ සඳහා නැවත ලැබෙන ඇණවුම් නිරීක්ෂණය කළ හැකි අතර, ඔසුසැල්වලට බෙහෙත් වට්ටෝරු නැවත මිල දී ගැනීම් අධීක්ෂණය කළ හැකි ය.
- පාරිභෝගික ප්‍රතිපෝෂණ ලබා ගන්න: සමීක්ෂණ යැවීමට, සමාලෝචන ඉල්ලා සිටීමට (සහ ඒවා කියවීමට) හෝ පාරිභෝගික තෘප්තිය සහ වැඩිදියුණු කිරීම අවශ්‍ය ප්‍රදේශ තේරුම් ගැනීම සඳහා යෙදුම තුළ විමසීම් යැවීමට ඔබට පුළුවන.
- පාරිභෝගික හැසිරීම විශ්ලේෂණය කරන්න: මිල දී ගැනීම උපරිම වන වේලාවන්, දළ ඇණවුම් අගය සහ අභිමත නිෂ්පාදන වැනි රටා හඳුනාගැනීම පාරිභෝගික අත්දැකීම ඉහළ නැංවීම උදෙසා සිතැඟි අනුව සැකසූ ප්‍රවර්ධන වැඩසටහන් නිර්මාණය, ඔබේ භාණ්ඩ ලේඛනය ප්‍රශස්ත කිරීම හෝ බෙදාහැරීමේ ක්‍රමය හැඩ ගස්වා ගැනීම සඳහා ඉවහල් විය හැකි ය.
- මිනුම් දණ්ඩේ සාර්ථකත්වය: ඔබේ පාරිභෝගිකයන් රඳවා තබා ගැනීමේ කාර්ය සාධනය කර්මාන්ත ප්‍රමිතීන් හා සංසන්දනය කිරීම පැහැදිලි මිනුමක් ලබා දීමට සහ වර්ධනය සඳහා අවස්ථා සොයා ගැනීමට උපකාරී වේ.
Uber Direct සමගින් ඔබේ පාරිභෝගිකයන් රඳවා තබා ගැනීමේ උපායමාර්ගය වැඩිදියුණු කරගන්න
පාරිභෝගිකයින් රඳවා ගැනීම වාර්තා දහස් ගණනකට මාතෘකා වී ඇත. DeepDyve තුළ සිදු කළ ඉක්මන් සෙවුමකින් මාතෘකාව පිළිබඳ 7000කට අධික ප්‍රතිඵල ප්‍රමාණයක් ලබා දෙයි.
එය පුදුමයක් නොවේ: විශ්වාසවන්ත ගනුදෙනුකරුවන් යනු ඔබේ ව්‍යාපාරයේ වැදගත් ම සාධකය වේ. ඔවුන් සතුටින් තබා ගැනීමේ රහස් අනාවරණය කර ගැනීම ගනුදෙනු නැවත නැවතත් සිදු කිරීමට පොළඹවමින් දිගු කාලීන සබඳතා ඇති කර ගැනීම දිරි ගැන්වීමට ඔබට උපකාරී වෙයි.
Uber Direct සමගින්, ලැදියාව ගොඩනඟන අතරම පාරිභෝගික අපේක්ෂාවන් සපුරාලීමට ඔබට උපකාර කරමින් බෙදාහැරීම පහසුවෙන් ඔබේ ම නාලිකාවලට ඒකාබද්ධ කළ හැකි ය. අද ම අරඹන්න.
සේවා
සේවා
තාක්ෂණය
ඇණවුම් කළමනාකරණය කරන්න
මෙහෙයුම් සරල කරන්න
ඔබේ විකුණුම් වර්ධනය කරගන්න
ගනුදෙනුකරුවන් වෙත ළඟා වන්න
අප සේවය ලබා දෙන අය
අප සේවය ලබා දෙන අය
මිලකරණය
සම්පත්
පාරිභෝගික කේන්ද්රය
ඉගෙන ගන්න
අපව අමතන්න