MediaMarktSaturn, Uber Direct සමඟ විනාඩි 90ක අධිවේගී බෙදාහැරීමක් සමග නව ප්‍රමිතියක් හඳුන්වා දෙයි
MediaMarktSaturn පසුගිය වසර 45 තුළ ජර්මනියේ ඉහළම සිල්ලර වෙළෙන්දෙකු ලෙස ශක්තිමත් කීර්තියක් ගොඩනඟා ඇති අතර සුවිශේෂී සේවාවක් සහ පුළුල් පරාසයක පාරිභෝගික ඉලෙක්ට්‍රොනික භාණ්ඩ ලබා දෙයි. "අත්දැකීම්වල ශූරයන්" ලෙස, සේවාව තුළ සිදු කරන නවෝත්පාදනයන් ඔවුන්ගේ සාර්ථකත්වයට යතුරයි. ජර්මනිය පුරා නගර 100කට වැඩි ගණනක මිනිත්තු 90ක අධිවේගී බෙදාහැරීමක් ලබා දීමෙන් නව සේවා ප්‍රමිතියක් සැකසීමට ඔවුන් දැන් Uber Direct සමඟ කටයුතු කරන්නේ එබැවිනි. Uber සතු විශාල රියැදුරු ජාලය කාර්යබහුල ඉල්ලුමක් ඇති වේලාවන් තුළ වුව ද, වේගවත්, විශ්වාසදායක බෙදාහැරීම් සහතික කිරීමට උපකාරී වේ.
තිරයට පිටුපසින්, MediaMarktSaturn හට අසමසම විශ්වසනීයත්වය, වේගය සහ පහසුව සහිත පාරිභෝගික ඉලෙක්ට්‍රොනික භාණ්ඩ බෙදා හැරීමට උපකාර වන තාක්ෂණය සහ සැපයුම් Uber Direct විසින් සපයනු ලැබේ. තත්කාලීන නිරීක්ෂණය සමගින්, ව්‍යාපාර සහ පාරිභෝගිකයින් යන දෙපාර්ශ්වය ම සෑම පියවරක දී ම දැනුවත්ව සිටියි. ලැප්ටොප් පරිගණකවල සිට වීඩියෝ ක්‍රීඩා සහ මයික්‍රොවේව් උදුන් දක්වා පාරිභෝගිකයින්ට ඔවුන්ගේ අයිතම ඇණවුම් කිරීමේ සිට මිනිත්තු 90කින් නිවසට ගෙන්වා ගත හැකි ය. "අපගේ ගනුදෙනුකරුවන් කාර්යබහුල වන අතර ඔවුන්ගේ මිල දී ගැනීම්, රාජකාරී සඳහා, අධ්‍යාපනය සඳහා හෝ විවේකාස්වාදය සඳහා හෝ වුව ද ඉක්මනින් ලබා ගැනීමට අවශ්‍ය වේ. Uber Direct සමඟින්, අපට එම පොරොන්දුව විශ්වාසදායක ලෙස ඉටු කළ හැකිය."MediaMarktSaturn Germany අධිවේගී බෙදාහැරීමේ ව්‍යාපෘති ප්‍රධානී ෙෆේබියන් බ්ලෙන්ක් පවසයි.
MediaMarktSaturn සංඛ්‍යා අනුව
වෙළඳසැල් 250ක්
ජර්මනියේ නගර 100කට අධික සංඛ්‍යාවක් පුරා Uber සමග අධිවේගී බෙදාහැරීමේවිනාඩි 90ක්
අන්තර්ජාලය ඔස්සේ ලබා දුන් ඇණවුම්වලින් 95%ක් සඳහා අධිවේගී බෙදාහැරීම+70 NPS
2024 දී සමීක්ෂණය කරන ලද අධිවේගී බෙදාහැරීමේ ගනුදෙනුකරුවන්ගෙන්අධිවේගී බෙදාහැරීම වැඩි විකුණුම් ප්‍රමාණයකට මග පාදයි
MediaMarktSaturn යනු ජර්මනියේ ඉලෙක්ට්රොනික් හා ආශ්‍රිත සේවාවන් සඳහා සිටින විශාලතම සිල්ලර වෙළෙන්දා වේ. නිවාස හා කාර්යාල බෙදාහැරීම් සිදු කිරීම සඳහා මෙම සිල්ලර වෙළෙන්දා සාම්ප්‍රදායික ප්‍රවාහන සහ ඇසුරුම් සේවා හවුල්කරුවන් පිළිබඳ විශ්වාසය තැබූ අතර ඉන් අදහස් වන්නේ අයිතම ගෙනගොස් භාර දීම සඳහා දින 1-3 දක්වා කාලයක් ගත වූ බවයි. MediaMarktSaturn බෙදාහැරීම පිළිබඳ පාරිභෝගික අපේක්ෂාවන් වෙනස් වෙමින් පවතින බවත් අධිවේගී බෙදාහැරීමේ විකල්පයන්හි අවශ්‍යතාව පුළුල් වන බවත් වටහා ගත්තේ ය. එඩෙල්මන් පර්යේෂණයේ 2023 සමීක්ෂණයක දී, යුරෝපීය පාරිභෝගිකයින් 5,700කට වැඩි පිරිසක් අන්තර්ජාල සාප්පු සවාරි සහ අධිවේගී බෙදාහැරීම පිළිබඳ ඔවුන්ගේ අදහස් හුවමාරු කර ගත් අතර, 72%ක් කියා සිටියේ අන්තර්ජාලය හරහා සාප්පු සවාරි යාමේ දී විකල්පයක් ලෙස අධිවේගී බෙදා හැරීම අපේක්ෂා කරන බවයි. 63%ක පිරිසක් කියා සිටියේ අනෙකුත් සියල්ල එක හා සමාන නම් ඔවුන් අධිවේගී බෙදාහැරීමක් ලබා නොදෙන බෙදාහැරීමේ සේවාවකට වඩා අධිවේගී බෙදාහැරීමක් ලබා දෙන බෙදාහැරීමක් තෝරා ගනු ඇති බවයි.
ඔවුන්ගේ භාණ්ඩ දැන් ම අවශ්‍ය අන්තර්ජාල සාප්පු හිමියන්ට වඩා හොඳ සේවාවක් සැපයීම සඳහා, MediaMarktSaturn විසින් මිනිත්තු 90ක් තුළ අධිවේගී බෙදා හැරීමක් ලබා දීමට සූදානම් විය - ජර්මානු වෙළඳපොළ‍ේ වෙනත් ඕනෑම සිල්ලර වෙළෙන්දෙකුට වඩා හොඳ වේගවත් හා විශ්වාසදායක බෙදාහැරීමේ අත්දැකීමක්. ගබඩා සහ සැපයුම් කේන්ද්‍රස්ථාන ලෙස සිය වෙළඳසැල් භාවිත කිරීමෙන් සහ Uber Direct සමග ඔවුන්ගේ හවුල්කාරීත්වය දියත් කිරීමෙන් ඔවුන්ට මෙය සාක්ෂාත් කර ගැනීමට හැකි විය. පාරිභෝගිකයින්ගේ ප්‍රතිචාර ඉතා උද්යෝගිමත් විය. "අපි Uber Direct සමඟ Black Friday සතිය තුළ අධිවේගී බෙදාහැරීම් 10,000කට වැඩි ප්‍රමාණයක් සම්පූර්ණ කලා," ගේම් කොන්සෝල, වැකුම් ක්ලීනර් සහ හෙඩ්ෆෝන් ඇතුළු පුළුල් පරාසයක නිෂ්පාදනවලින් පාරිභෝගිකයින් අපගේ වෙබ් අඩවියේ ඇණවුම් කළ අතර, වේගවත්ම බෙදාහැරීම මිනිත්තු 10කට අඩු කාලයකින් පැමිණ‍ෙනවා "යනුවෙන් බ්ලෙන්ක් පවසයි. ගනුදෙනුකරුවන් වෙත වේගයෙන් ළඟා වීමට සහ ඔවුන්ගේ සාප්පු සවාරි අත්දැකීම් වැඩිදියුණු කිරීමට ඇති හැකියාව නව ආදායම් මාර්ග විවෘත කරයි.
"විනාඩි 90ක් තුළ නිෂ්පාදන බෙදා හැරීම ජර්මනියේ ඉතා අලුත් දෙයක්. වේගය, විශ්වසනීයත්වය සහ රැකවරණය සඳහා අපගේ ප්‍රමිතීන් සපුරාලිය හැකි බෙදාහැරීමේ හවුල්කරුවෙකු අපට අවශ්‍ය වුණා. ඒ හවුල්කරු Uber Direct බව ඔප්පු කරලා තියෙනවා."
– ෆේබියන් බ්ලෙන්ක්, අධිවේගී බෙදාහැරීම් ව්‍යාපෘති ප්‍රධානී, MediaMarktSaturn Germany
විශ්වාසනීය තාක්ෂණය සහ සහාය සමගින් නැඟිට, වේගවත් ගමනක්
Uber Direct API සහ තාක්ෂණික සහාය කණ්ඩායම MediaMarktSaturn හට ඔවුන්ගේ පවතින වෙළඳසැල් මෙහෙයුම් භාවිතයෙන් ඉක්මනින් අධිවේගී බෙදාහැරීම් පිරිනැමීම ආරම්භ කිරීම පහසු කළේය. "Uber සතු පෙර සැකසූ විසඳුම් අපගේ මෙහෙයුම් ප්‍රවේශයට ගැළපෙන අතර, අනවශ්‍ය ප්‍රමාදයකින් තොරව නැඟිට ක්‍රියාත්මක වීමට අපට උපකාරී වනවා," බ්ලෙන්ක් පවසයි. “Uber අපට අවශ්‍ය නම්‍යශීලීභාවය සහ කාර්යක්ෂමතාව ලබා දුන් අතර එමගින් හවුල්කාරීත්වය හොඳ සුසංයෝගයක් බවට පත් වුණා,” ඔහු තවදුරටත් පැවසීය. දැනට, අධිවේගී බෙදාහැරීම ඉල්ලා සිටින මාර්ගගත ඇණවුම්වලින් 95%ක් විනාඩි 90ක කවුළුවක් තුළ ඉටු වන අතර එය කණ්ඩායම් දෙක සම්බන්ධයෙන් ම විශාල ජයග්‍රහණයකි. "බ්ලැක් ෆ්‍රයිඩේ සහ කාර්යබහුල නත්තල් සමයේ දී පවා Uber Direct සමඟ මෙම බෙදා හැරීමේ වේගය අඛණ්ඩව ලබා දීමට හැකි වීම විශාල ජයග්‍රහණයක් වන අතර, මෙය ලබා දෙන ජර්මනියේ එකම පාරිභෝගික ඉලෙක්ට්‍රොනික සිල්ලර වෙළෙන්දා වීම ගැන අපි ආඩම්බර වෙනවා," ඔහු තවදුරටත් පවසයි. Uber දියුණු මාර්ගන ඇල්ගොරිදම මගින් ප්‍රමාද වීම් අවම කරමින් කලට වේලාවට කටයුතු ඉටු කිරීම උපරිමයකට ගෙන එයි.
Uber Direct MediaMarktSaturn සොරකම් කිරීමේ සහ වංචා කිරීමේ අඩු අනුපාතයක් පවත්වා ගැනීමට උපකාරී වේ
පාරිභෝගික පහසුව වැඩි දියුණු කිරීමට සහ වෙළඳසැලේ මෙහෙයුම් කාර්යක්ෂමතාව ඉහළ නැංවීමට අමතරව, MediaMarktSaturn Uber Direct විසින් පිරිනමනු ලබන බෙදාහැරීම් නිරීක්ෂණය කොට පවත්වා ගැනීම සහ භාර දීම් තහවුරු ලේඛන වි‍ශේෂාංග පිළිබඳව උනන්දුව දැක්වීය. ඉක්මනින් ම අලාභයන් ඉහළ යා හැකි බැවින්, ඉහළ අගයක් සහිත පාරිභෝගික ඉලෙක්ට්රොනික් උපාංග විකුණන ඔ්නෑම අයකුට ප්‍රෝඩා වැළැක්වීම ඉතා වැදගත් වේ. සාම්ප්‍රදායික බෙදාහැරීමේ ක්‍රියාවලියට පියවර කිහිපයක් ඇතුළත් වන අතර, දිගු කාල රාමුව යන්නෙන් අදහස් කරන්නේ ගැටලු තීව්‍ර වීමට පෙර ඒවා හසු කර ගැනීම සඳහා වැඩි කාලයක් පවතින බවයි. මැදිහත් වීමට ඇත්තේ සුළු කාලයක් පමණක් බැවින් අධිවේගී බෙදාහැරීම මගින් ප්‍රෝඩාවන් වැළැක්වීම වඩාත් අභියෝගාත්මක වනු ඇති MediaMarktSaturn කණ්ඩායම කල්පනා කළහ. කෙසේ වෙතත්, Uber Direct තත් කාලීන නිරීක්‍ ෂණය, ද්වි සාධක සත්‍යාපනය සහ භාරදීම් තහවුරු ලේඛන පිරිනැමීමත් සමඟ, වැඩසටහන ඉතා ඵලදායී සහ ආරක්ෂිත බව ඔප්පු වී ඇත. "අපි අධිවේගී බෙදාහැරීම සඳහා Uber Direct භාවිත කිරීමට පටන් ගත් දා සිට, පාඩු අනුපාතය සාම්ප්‍රදායික බෙදාහැරීමකට සමාන වන අතර, එවැනි වේගවත් බෙදාහැරීමේ සේවාවක් සම්බන්ධයෙන් ගත් විට එය විශිෂ්ට ජයග්‍රහණයක්," බ්ලෙන්ක් පවසයි "අධිවේගී බෙදාහැරීම සමඟ මෙම මට්ටමේ ආරක් ෂාවක් සාක්ෂාත් කර ගැනීම සැලකිය යුතු ජයග්‍රහණයක්," ඔහු තවදුරටත් පවසයි. "එය Uber විසින් ගොඩනඟා ඇති පද්ධතියේ ශක්තිමත් බව පිළිබඳ සාක්ෂියකි.”
සතුටට පත් වූ පාරිභෝගිකයෝ වැඩිපුර වියදම් කරන අතර නිතර ආපසු පැමි‍ණෙති
Uber Direct වැඩසටහන MediaMarktSaturn මෙහෙයුම් සහ ව්‍යාපාරික අරමුණු සමඟ හොඳින් ගැළපෙන අතර, ඔවුන්ගේ කණ්ඩායමට සහ පාරිභෝගිකයින්ට ඊට වඩා සතුටක් තවත් නොමැත. Uber Direct සතු වේගවත් හා විශ්වාසදායක බෙදාහැරීම සමඟින්, MediaMarktSaturn හට බාධා විරහිත පාරිභෝගික සංචාරයක් නිර්මාණය කළ හැකි අතර එමඟින් තෘප්තිය වැඩි වේ. "පාරිභෝගිකයින්ගෙන් ලැබෙන ප්‍රතිපෝෂණ අතිශයින්ම ධනාත්මකයි," බ්ලෙන්ක් පවසයි. “මෙතරම් විශාල සමාලෝචන සහ තෘප්තිමත් හඬවල් ප්‍රමාණයක් දැකීම පුදුම සහගතයි,” ඔහු තවදුරටත් පැවසීය. “මෙම සේවාව අපගේ ගනුදෙනුකරුවන් සතුටු කරනවා විතරක් නෙවෙයි, සමාගමක් ලෙස අපට ප්‍රතිලාභ ලබා දෙනවා. අධිවේගී බෙදාහැරීම භාවිතා කරන පාරිභෝගිකයින් සඳහා සාමාන්‍ය ශුද්ධ ප්‍රවර්ධන ලකුණු (NPS) +70ක් සමඟින්, MediaMarkt ඔවුන් Uber Direct සමඟ සතුටුදායක බෙදාහැරීමේ අත්දැකීමක් ලබා දෙන බව විශ්වාස කරයි.
අධිවේගී බෙදාහැරීමේ දත්ත කණ්ඩායමට භාණ්ඩ ලේඛන සහ විකුණුම් පිළිබඳ දැනුවත් තීරණ ගැනීමට රුකුලත් සපයයි
MediaMarktSaturn කණ්ඩායම කාර්ය සාධනය නිරීක්සණය කොට පවත්වා ගැනීමටත්, ප්‍රවණතා හඳුනා ගැනීමටත්, මෙහෙයුම් ප්‍රශස්ත කිරීමට වෙළඳසැලේ සහ මධ්‍යම මට්ටමින් ඔවුන්ගේ Uber ඩෑෂ්බෝර්ඩ්වලින් ලැබෙන දත්ත භාවිත කරයි. මෙම නිතිපතා විශ්ලේෂණය Uber කණ්ඩායම සමඟ සිදු කරන සතිපතා සමාලෝචන සමඟ ඒකාබද්ධව ඔවුන්ට අභියෝගවලට මුහුණ දීමට සහ වෙළඳසැල් පුරා හොඳම පරිචයන් බෙදා ගැනීමට උපකාරී වේ. සියලු දෑ මනාව ක්‍රියාත්මක වීමට සහාය වන පරිදි Uber කණ්ඩායම සමග ශක්තිමත් ක්‍රියාකාරී සම්බන්ධතාවක් තිබීම බ්ලෙන්ක් හා ඔහුගේ රාජකාරී සගයෝ අගය කරති. "විවෘත, සහයෝගී සම්බන්ධතාවයක් තිබීම අභියෝගයන්ට මුහුණ දීමට සහ සාර්ථකත්වයන් එක්ව ගොඩනැගීමට උපකාරී වේ," ඔහු තවදුරටත් පැවසී ය. "Uber කණ්ඩායම සමඟ වැඩ කිරීම විනෝදජනක වන අතර, හවුල්කාරිත්වය සැබවින්ම ශක්තිමත් හා ඵලදායී වේ.”
MediaMarktSaturn සහ Uber සඳහා ඊළඟට කුමක් ද
බෙදාහරින්නන් විසින් භාණ්ඩ ලබා ගන්නා ස්ථාන විධිමත් කිරීමෙන් වෙළඳසැල් සේවකයින් සඳහා ඔවුන්ගේ බෙදා හැරීමේ සේවාව වඩාත් පහසු කිරීමට MediaMarktSaturn කටයුතු කරමින් සිටී. වෙළඳසැලේ සාප්පු සවාරි වේලාවන් අවසන් වූ පසු රාත්‍රිය‍ේ දී ඇණවුම් ලබා ගැනීම සඳහා හැකියාව ලබා දීමෙන් පාරිභෝගිකයින්ට අධිවේගී ඇණවුමක් ලබා දිය හැකි වේලාවන් පුළුල් කිරීමට ද ඔවුහු කටයුතු කරති. මීට අමතරව, කණ්ඩායම ජර්මනියේ අතිරේක කලාප ඇතුළුව තවත් වෙළඳසැල් සහ පෝලන්තයේ ඔවුන්ගේ වෙළඳසැල් වෙත අධිවේගී බෙදාහැරීම පුළුල් කරමින් සිටී. “අපගේ සියලුම ජර්මානු වෙළඳසැල්වලට අධිවේගී බෙදා හැරීමක් ලබා දිය හැකි වූ පසු, එය විශාල තල්ලුවක් වනවා ඇති,” බ්ලෙන්ක් පවසයි. 2025 දී, MediaMarktSaturn, Uber Eats යෙදුම හරහා එදින ම බෙදාහැරීම සඳහා කුඩා ඉලෙක්ට්‍රොනික උපකරණ සහ උපාංග පිරිනැමීමට සැලසුම් කරයි. "අපගේ වෙළඳ නාමය ප්‍රචාරය කිරීමට, නව පාරිභෝගිකයින් වෙත ළඟා වීමට සහ අපි එදිනම බෙදාහැරීම ලබා දෙන බව ජනතාවට දැනුම් දීමට Uber Eats යෙදුමේ සිටීම හොඳ ක්‍රමයක් විය හැකියි," බ්ලෙන්ක් පවසයි. Uber Direct සමඟ හවුල් වීමෙන්, වේගය සහ පහසුව සඳහා නව ප්‍රමිතියක් සකසමින්, සම්මුතියකින් තොරව සුවිශේෂී සේවාවක් ලබා දිය හැකි බව MediaMarktSaturn සනාථ කරයි.
තම දීමනාවලට ඉල්ලුම මත බෙදාහැරීම එක් කිරීමට සූදානම් සමාගම් සඳහා, Uber Direct සමඟ හවුල් වීම පහසුය. අපගේ සුදු ලේබල් බෙදා හැරීමේ සේවාව මඟින් ඔබේ ම වෙළඳ නාමයක් පාලනය කරමින් ගනුදෙනුකරුවන්ට ඔවුන්ගේ ඇණවුම් අත්දැකීම් පිළිබඳ වැඩි පාලනයක් ලබා දීමට ඉඩ සලසයි. අද ම අරඹන්න.
සේවා
සේවා
තාක්ෂණය
ඇණවුම් කළමනාකරණය කරන්න
මෙහෙයුම් සරල කරන්න
ඔබේ විකුණුම් වර්ධනය කරගන්න
ගනුදෙනුකරුවන් වෙත ළඟා වන්න
අප සේවය ලබා දෙන අය
අප සේවය ලබා දෙන අය
මිලකරණය
සම්පත්
පාරිභෝගික කේන්ද්‍රය
ඉගෙන ගන්න
අපව අමතන්න